اصابع القرفة بالشوكلاتة

اهلين وش اخباركم

طبق اليوم عبارة عن حلا قهوة
سهل ولذييييذ وبيتهاوش على ملاقطه الصغار والكبار
واحلى مافيه ان كل مقاديره حسب الكمية اللي تبين
بتحتاجين الى..


عجينة سمبوسة سويتز
مقدار من القرقة المطحونة والسكر الناعم مخلوطين مع بعض
جبن كيري او مثلثات اي نوع
مقدار صغير من طحين مخلوط بموية لتقفيل الاصابع
زيت للقلي
حليب نستله
هيرشي سيرب




شيكي عزيزتي مطبخك واذا لقيتي كل ماسدحته اعلاه موجود
شمري عن ساعديك وهلمي لنتعرف على الطريقة..



- خذي مقدار من عجينة سويتز واقطعيها بالنص وبكذا تصير كل شريحة شريحتين صغار.
- خذي مقدار من الجبن وحطيها على طرف الشريحة ورشي فوقها خليط القرفة والسكر.
- لفي الشريحة وقفلي طرفها بمسحة من خليط الطحين والموية.
- واستمري بتكرار اللف حسب الكمية اللي تبين



- سخني زيت للقلي واقلي فيه الاصابع لحد ماتتحمر.
- صفيهم في طبق وصبي عليها حليب نستله بعدين زينيها بالهيرشي.



ملاحظات تهمك:
- احتفظي بالعجين داخل كيس علشان ماتيبس.
- احتفظي بالاصابع داخل صحن مغطى بكيس برضه علشان ماتيبس لحد ماتخلصين المقدار كله.
- لما ترشين حشوة الجبن بالقرفة والسكر لاتكثرين علشان لما تقلينه مايطلع من الجوانب.
- اذا عندك وقت فراغ سوي لك كمية وخليها بالفريزر لوقت العوزة

وبكذا نكون انتهينا
استعدي للمدح اللي بيجيك
وبالهنا والعافية